बिर्तामोड-साहित्य चौतारी झापाले आफ्नो रजत महोत्सवको अवसरमा राष्ट्रव्यापी कविता प्रतियोगिता आयोजना गर्ने भएको छ । शनिबार बसेको चौतारीको बैठकले यस्तो निर्णय गरेको हो ।
२०८१ असार ३१ गते चौतारीको वार्षिक उत्सव एवम् रजत महोत्सवका अवसरमा कविता प्रतियोगिता आयोजना गरिएको साहित्य चौतारीले जनाएको छ ।
साहित्य चौतारीले आगामी वैशाख १ गतेसम्म इमेलमार्फत वा बिर्तामोडस्थित कार्यालयमा आएर कविता उपलब्ध गराउन स्रष्टा सर्जकलाई सार्वजनिक रुपमा अपिल पनि गरेको छ ।
गद्य वा पद्य जेमा भए पनि बढीमा १८० शब्द सम्मको कविता स्वीकार्य हुने साहित्य चौतारीद्वारा जारी सार्वजनिक सूचनामा जनाइएको छ । उत्कृष्ट कविताले २०,१०० पुरस्कार प्राप्त गर्नेछ ।
द्वितीय हुनेले १५,१००, तृतीय हुनेले १०,१०० र सान्त्वना हुनेले ५,१०० रुपैयाँ पुरस्कार प्राप्त गर्ने जनाइएको छ ।
