झापा– लागुऔषध ब्राउनसुगरसहित प्रहरीले शुक्रबार दिउँसो झापाको भद्रपुरबाट दुई जना भारतीय नागरिकलाई पक्राउ गरेको छ ।
पक्राउ पर्नेमा भारतको पश्चिम बंगाल खाेरीवारी थाना घर भएका २२ वर्षीय शिवु घाेष र सोही ठाउँकी २६ वर्षीया श्यामली सोरेन छन् ।
लागुऔषध नियन्त्रण ब्यूरो काठमाडौँ र जिल्ला प्रहरी कार्यालय झापाबाट खटिएको संयुक्त प्रहरी टोलीले सुराकीका आधारमा उनीहरुलाई समातेको हो ।
झापा प्रहरीका प्रवक्ता डीएसपी खगेन्द्रप्रसाद रिजालका अनुसार पक्राउ परेकाहरुकाे साथमा १९४ ग्राम ५४० मिलिग्राम ब्राउन सुगर फेला परेको छ ।
झापाको भद्रपुरस्थित क्याम्पस मोडबाट उनीहरु समातिएका हुन् । साइकलमा हिँडिरहेको अवस्थामा प्रहरीले उनीहरुलाई पक्राउ गरेको हो ।
