काठमाडौँ-विज्ञ सम्मिलित टोलीले श्रम आप्रवासन नीतिको मस्यौदा आइतबार सरकारलाई बुझाएको छ । विज्ञ टोलीका संयोजक गणेश गुरुङले श्रम रोजगार तथा सामाजिक सुरक्षा मन्त्री शरदसिंह भण्डारीलाई मस्यौदा हस्तान्तरण गरेका हुन् ।
संयोजक गुरुङले श्रम आप्रवासन नीतिको मस्यौदामा ६ वटा नीति, २४ वटा रणनीति र रणनीति सम्बोधनका लागि ११३ वटा कार्यविधि बनाइएको बताए । नौ महिना लगाएर टोलीले मस्यौदा तयार पारेको हो ।
मस्यौदा बुझ्दै मन्त्री भण्डारीले गुरुङ नेतृत्वको टोलीले बुझाएको मस्यौदा प्रभावकारी हुने विश्वास व्यक्त गरे । उनले मस्यौदालाई सरकारी नीतिका रूपमा कार्यान्वयन गर्ने दृढता पनि व्यक्त गरेका छन् ।
