काठमाडौँ-राष्ट्रिय स्वतन्त्र पार्टीका सभापति रवि लामिछाने जिल्ला प्रहरी कार्यालय कास्कीमा हिरासत कक्षमा सुतिरहेको फोटो खिचेको आरोपमा प्रहरीले डाक्टर निकोलस भुसाललाई पक्राउ गरेको छ ।
उपत्यका अपराध अनुसन्धान कार्यालयको टोलीले आइतबार साँझ काठमाडौँबाट डाक्टर भुसाललाई पक्राउ गरेको हो । उनलाई कास्की लगेर अनुसन्धान गरिने प्रहरीले जनाएको छ ।
जिल्ला प्रहरी कार्यालय कास्कीका प्रमुख श्यामलाल ओलियाले डाक्टर भुसाल पक्राउ परेको र उनलाई कास्की ल्याउने तयारी भइरहेको जनाएका छन् ।
स्वास्थ्य जाँचका लागि हिरासतमा गएका बेला डा. भुसालले सभापति लामिछानेको फोटो खिचेको जनाइएको छ । उनले गलत नियतका साथ फोटो नखिचिएको जिकिर गरेका छन् ।
