पोखरा-सहकारी संस्थाको रकम अपचलन गरेको अभियोगमा पक्राउ परेका राष्ट्रिय स्वतन्त्र पार्टीका सभापति रवि लामिछानेसँग अदालतले बयान लिएको छ ।
कास्की जिल्ला अदालतमा बिहीबार र शुक्रबार सभापति लामिछानेको बयान लिइएको हो । लामिछानेले जिल्ला न्यायाधीश नितिज राईको इजलासमा बयान दिएका छन् ।
सहकारी ठगीको अभियोगमा पक्राउ परेका रामबहादुर खनाल, पूर्व सांसद मीना गुरुङ, आरती गुरुङ, ललित गुरुङ र कृष्णबहादुर गुरुङको बयान आइतबारदेखि सुरु हुनेछ ।
सबैको बयान सकिएपछि मात्र थुनछेक बहस हुने जनाइएको छ । गत आइतबार जिल्ला सरकारी वकिलको कार्यालयले सभापति लामिछाने सहित ४४ जना विरुद्ध मुद्दा दायर गरेको थियो ।
लामिछानेविरुद्ध सहकारी ठगीसँगै संगठित अपराध र सम्पत्ति शुद्धिकरण कसुरमा समेत मुद्दा दायर भएको छ ।
