केचना -गोमन सर्पको डसाईबाट दक्षिणी झापाको कचनकवलमा एकजना नाबालिकाको ज्यान गएको छ ।
कचनकवल गाउँपालिका वडा नम्बर ३ ठूलो केचना घर भएकी मनिषा राजवंशीको सर्पको डसाईबाट मृत्यु भएको हो ।
स्थानीय हरिप्रसाद राजवंशीकी १२ वर्षीया छोरी मनिषालाई भण्डार कोठाको टेबल निकाल्ने क्रममा मङ्गलबार साँझ गोमन सर्पले डसेको थियो ।
लगत्तै उपचारका लागि लगिएकी मनिषाको बाटैमा मृत्यु भएको जिल्ला प्रहरी कार्यालय झापाले जनाएको छ ।
