झापा-नेपालमा बाघको सङ्ख्या बढेको सरोकारवालाले बताएका छन् । वृद्धिका लागि राखिएको लक्ष्यभन्दा बढी सङ्ख्यामा बाघ हुर्किएका हुन् ।
दुई वर्षअघिको सर्वेक्षण अनुसार नेपालमा वयस्क बाघको सङ्ख्या ३५५ छ । तीमध्ये १२८ बाघ चितवन राष्ट्रिय निकुञ्जमा बस्ने गरेको सुत सहायक संरक्षण अधिकृत गणेशप्रसाद तिवारीले बताए ।
बाघको सङ्ख्या बढेपछि उनीहरूको बासस्थान चुनौतिपूर्ण बन्दै गएको छ । यसअघि सन् २०१० मा भएको विश्व बाघ सम्मेलनमा सन् २०२२ सम्ममा बाघको सङ्ख्या दोब्बर बनाउने सहमति भएको थियो ।
विश्व बाघ सम्मेलनका बेला नेपालमा १२१ बाघ थिए । यसलाई दोब्बर बनाउने सरकारको लक्ष्य थियो । तर, लक्ष्यभन्दा बढी नेपालमा बाघको सङ्ख्या पुगेको छ ।
सङ्ख्या बढे पनि उचित बासस्थानको व्यवस्थापन चुनौतिपूर्ण रहेको सूचना अधिकारी तिवारी बताउँछन् । आहारा व्यवस्थापनमा समेत उत्तिकै ध्यान दिनुपर्ने स्थिति छ ।
बासस्थान र आहाराको उचित व्यवस्थापन नहुँदा बाघ बस्तीमा पस्न थालेकाे घटनाप्रति सरोकारवाला सचेत हुनुपर्ने बेला आइसकेको चितवन राष्ट्रिय निकुञ्जले जनाएको छ ।
