झापा-रोजगारीका लागि मलेसिया जाने नेपाली श्रमिकको सङ्ख्या घटेको छ । अघिल्लो आर्थिक वर्षको पहिलो महिनाको तुलनामा चालु आर्थिक वर्षको साउनमा ज्यादै कम नेपाली रोजगारीका लागि मलेसिया गएका छन् ।
वैदेशिक रोजगार विभागका अनुसार साउनमा १ हजार ३४४ जना नेपाली मलेसिया गएका छन् । अघिल्लो आर्थिक वर्षको साउनमा ९ हजार २३८ जना श्रमिक रोजगारीका लागि मलेसिया गएका थिए ।
मलेसियाले आप्रवासी श्रमिक लैजान कटौती गरेपछि रोजगारीमा जाने नेपालीको सङ्ख्या घटेको विभागका निर्देशक गुरुदत्त सुवेदीले बताए ।
