खोटाङ-कोशी प्रदेश सरकारले विपतबाट मृत्यु भएका चार जनाका पीडित परिवारलाई एक लाख रूपैयाँका दरले राहत रकम उपलब्ध गराएको छ ।
जिल्ला प्रशासन कार्यालय खोटाङमार्फत प्रदेश सरकारले राहत रकम उपलब्ध गराएको हो । उपलब्ध रकम पीडित परिवारलाई वितरण गरिएको छ ।
विपतमा परेर सिद्धिबहादुर श्रेष्ठ, मधुराज राई,सावित्रादेवी नेवार र पदमकुमारी घिमिरेको मृत्यु भएको थियो । मृतकका परिवारलाई एक लाखका दरले राहत रकम वितरण गरिएको प्रमुख जिल्ला अधिकारी शिवकुमार कार्कीले बताए ।
