धरान-बीपी कोइराला स्वास्थ्य विज्ञान प्रतिष्ठान धरानका उपकुलपति डाक्टर ज्ञानेन्द्र गिरीको ‘प्राध्यापक’ उपाधिको विषयलाई लिएर अख्तियार दुरुपयोग अनुसन्धान आयोग सर्वोच्च अदालत गएको छ ।
उपकुलपति डाक्टर गिरीले प्रयोग गर्दै आएको प्राध्यापकको पदवी नक्कली भएको प्रमाणित भएको थियो । लगत्तै डाक्टर गिरी पदमुक्त भएका थिए । तर, विशेष अदालतले डाक्टर गिरीले प्रयोग गर्दै आएको प्राध्यापक पदको उपाधिले भ्रष्टाचार नहुने जनाउँदै गत चैत महिनामा सफाई दिएको थियो ।
सफाई पाएर पूर्ववत जिम्मेवारीमा फर्किएपछि डाक्टर गिरीको विषयलाई लिएर अख्तियार सर्वोच्च अदालत गएको हो । अख्तियारका प्रवक्ता नरहरि घिमिरेले विशेष अदालतको फैसलामा चित्त नबुझेका कारण आफूहरू पुनरावेदनका लागि सर्वोच्च गएको बताए ।
