झापा-कोशी प्रदेश सरकारले विभिन्न स्थानमा चार्जिङ स्टेसन निर्माण गर्ने भएको छ । विद्युतीय सवारी साधन प्रयोगलाई प्रोत्साहित गर्ने गरी प्रदेश सरकारले चार्जिङ स्टेसन बनाउन लागेको हो ।
पेट्रोलियम पदार्थको आयातलाई प्रतिस्थापन गर्न विद्युतीय सवारी साधनको प्रयोगलाई बढाउँदै लैजानु पर्नेमा प्रदेश सरकारको जोड छ ।
आगामी आर्थिक वर्षमा प्रदेशका विभिन्न ठाउँमा चार्जिङ स्टेसन निर्माण गर्ने गरी प्रदेश सरकारले तीन करोड रूपैयाँ बजेट विनियोजन पनि गरेको छ ।
