झापा-झापाको मेचीनगरमा असोज १२ गतेदेखि जिल्लास्तरीय फुटबल प्रतियोगिता आयोजना हुने भएको छ । इट्टाभट्टा फुटबल क्लब मेचीनगर ८ ले प्रतियोगिता आयोजना गरेको हो ।
क्लबले बुधबार पत्रकार सम्मेलन प्रतियोगिताबारे जानकारी दिएको छ । प्रतियोगितामा आयोजकसहित जिल्लाका विभिन्न आठ चर्चित क्लबहरूले सहभागिता जनाउनेछन् ।
प्रतियोगितामा १५ लाख रूपैयाँ खर्च लाग्ने अनुमान गरिएको छ । उपाधि जित्ने टिमले १ लाख १ हजार १११ रुपैयाँ पुरस्कार पाउने जनाइएको छ ।
