काठमाडौँ-ट्रकले स्कुटरलाई ठक्कर दिँदा सोमबार साँझ ललितपुरको बालकुमारीमा एक जनाको मृत्यु भएको छ ।
मृत्यु हुनेमा सिन्धुली तीनपाटन गाउँपालिका घर भई भक्तपुरको सूर्यविनायकमा बस्दै आएका ३५ वर्षीय रमेशकुमार पाण्डे छन् ।
पाण्डे सवार बा ८३ प ८१७८ नम्बरको स्कुटरलाई प्रदेश ०२- ३-००-१० ख ५३५७ नम्बरको ट्रकले ठक्कर दिएको हो ललितपुर प्रहरीका प्रवक्ता एसपी नरेशराज सुवेदीले बताए ।
घटनापछि प्रहरीले ट्रक चालकलाई नियन्त्रणमा लिएर जिल्ला प्रहरी परिसर ललितपुरमा राखेको छ ।
