बिर्तामोड-चौथो संस्करणको खुदुनाबारी गोल्डकप अन्तर नगरपालिका स्तरीय खुला नकआउट फुटबल प्रतियोगिता अन्तर्गत आजको खेलमा कनकाई र शिवसताक्षी नगरपालिका भिड्दै छन् ।
गोल्डकपको पहिलो क्वार्टर फाइनल खेलमा यी दुई नगरपालिका भिड्न लागेको आयोजक समितिका सचिव खगेन्द्र लिङदनले बताए । गोल्डकपमा आयोजकसहित १० टीमको सहभागिता छ ।
यसअघि हिजो भएको खेलमा आयोजकलाई ६-२ गोल अन्तरले पराजित गर्दै भद्रपुर नगरपालिका विजयी भएको थियो । अर्जुनधारा ३ को कैदले प्राकृतिक रङ्गशालामा प्रतियोगिता भइरहेको छ ।
प्रतियोगिताको विजेताले १ लाख ११ हजार २११ रुपैयाँ र उपविजेताले ५५ हजार ६५५ रुपैयाँ पुरस्कार पाउने जनाइएको छ ।
