इलाम– सालोको हत्या गरेर फरार रहेका एक जनालाई प्रहरीले घटना भएको १२ वर्षपछि पक्राउ गरेको छ । पक्राउ पर्नेमा देउमाई नगरपालिका–१ का ४६ वर्षीया रत्नबहादुर राई रहेका छन् । प्रहरीले उनलाई भक्तपुरबाट पक्राउ गरेर इलाम ल्याएको हो ।
राईले १ वैशाख २०६६ मा देउमाई नगरपालिका–१ चमैतास्थित धाराडाँडामा सोही स्थान बस्ने आफ्नै १९ वर्षीय सालो युवराज राईको हत्या गरेका थिए । त्यसयता उनी फरार थिए । जिल्ला प्रहरी कार्यालय इलामबाट खटिएको टोलीले भक्तपुर प्रहरीको समन्वयमा राईलाई पक्राउ गरेर इलाम ल्याएको हो ।