- वीरता लेडी जेसीजको मानसिक स्वास्थ्य सचेतना
- सुहाङकाे संसदीय यात्रा सुरू
- बिर्तामोडको शनिश्चरे रोडमा खुल्यो ह्वाइट एञ्जल ब्युटी सैलुन
- बिर्तामोड खानेपानीमा भौगोलिक सूचना प्रणाली
- झापामा गोली हानेर ब्राउन सुगर कारोबारी पक्राउ
बिर्तामोड- कम्प्युटर एशोसिएशन नेपाल (क्यान) महासंघ, झापा शाखाको मंसीर १७ मा सम्पन्न जिल्ला अधिवेशनबाट चयन गरिएको नयाँ नेतृत्वले जिम्मेवारी बाँडफाँड गरेको छ । पहिलो बैठकले आवश्यकता अनुसारका जिम्मेवारी तोकेको हो ।
अधिवेशनले तेजस्वी कम्प्युटर सपोर्टका प्रोपाइटर कृष्णप्रसाद घिमिरेलाई अध्यक्षमा चयन गर्दै र आठ जनालाई सदस्यमा सर्वसम्मत निर्वाचित गरको थियो । क्यानको विधानमा शाखाको पहिलो बैठकबाट पदाधिकारीहरु तोक्ने तथा सदस्यहरु मनोनयन गर्ने व्यवस्था छ ।
अध्यक्ष घिमिरेले विधानको व्यवस्था अनुसार जिम्मेवारी तोक्ने र मनोनयन गर्ने काम पहिलो बैठकबाट भएको बताए । जसअनुसार उपाध्यक्षमा रोशन बुढाथोकी, सचिवमा लोकप्रिय खनाल, कोषाध्यक्षमा विनोद श्रेष्ठ र सहसचिवमा योगेश राजवंशीले जिम्मेवारी पाएका छन् ।
क्यान झापाको सदस्यमा निवर्तमान अध्यक्ष राजु श्रेष्ठ पदेन रहेका छन् भने अध्यक्षले मनोनयन गर्ने एकज जना सदस्यमा जेनिशा पोखरेललाई चुनिएको छ ।
अब क्यान झापाको कार्यसमिति ११ सदस्यीय भएको छ । जसअनुसार सदस्यहरुमा पंकज पोखरेल, सुशिल कडरिया, खगेन्द्र मिश्र र विनोद खनाल रहेका छन् । कडरिया, मिश्र र खनाल स्थानीय तहका आइटी अफिसरहरु हुन् ।
बैठकले क्यान महासंघको केन्द्रीय प्रतिनिधिमा केन्द्रीय सदस्य भुपेन्द्र मैनाली र प्रदेश समितिका सचिव रोशन दाहाललाई जिम्मेवारी दिएको अध्यक्ष घिमिरेले जनाएका छन् ।