झापा-बिर्तामोड नगरपालिकामा कुष्ठरोगीको संख्या २९ पुगेको छ । नगरपालिकाको स्वास्थ्य शाखाले बिहीवार आयोजित कार्यक्रममा यस्तो जानकारी दिएको हो ।
चारजना बालबालिकासहित २९ जनामा कुष्ठरोगको संक्रमण छ । कात्तिकयता ६ जना संक्रमित थपिएका हुन् । कुष्ठरोगका कारण बिर्तामोडमा ६ जना अपांग समेत भएका छन् ।
एक जनामा कुष्ठरोग बल्झिएको छ । बिर्तामोड १० मा कुष्ठरोगीको संख्या धेरै छ । फोकल पर्सन दीपक सापकोटाका अनुसार त्यहाँ ९ जना रोगी छन् ।
कुष्ठरोग घरदैलो खोजपड्ताल कार्यक्रम अन्तर्गत स्वास्थ्य शाखाले सरोकारवाला निकायसँग अन्तरक्रिया गरेको छ ।