बाहुनडाँगी-नेकपा माओवादी केन्द्र जिल्ला समन्वय समिति झापाको तेस्रो विस्तारित बैठक मंगलबार झापाको बाहुनडाँगीमा सम्पन्न भएको छ ।
बैठकमा सहभागी नेताहरुले कमजोर र धरासायी भइसकेको संगठनलाई थप सुदृढ बनाउन एकताका साथ अघि बढ्ने उद्घोष गरेका छन् ।
माओवादी केन्द्रका महासचिव देव गुरुङको प्रमुख आतिथ्यमा बैठक भएको हो । बैठकमा उनले पार्टीप्रति जनताको उत्साह र चाहना बढेकाले त्यही अनुसारको काम गर्नुपर्ने बताए ।
- बिर्तामोडको शनिश्चरे रोडमा खुल्यो ह्वाइट एञ्जल ब्युटी सैलुन
- बिर्तामोड खानेपानीमा भौगोलिक सूचना प्रणाली
- झापामा गोली हानेर ब्राउन सुगर कारोबारी पक्राउ
- बिर्तामोडमा हात्तीपाइले रोगविरुद्द औषधि खुवाउने अभियान सुरु
- जग्गादाता अग्रवाल दम्पत्तिलाई सम्मान
माओवादी केन्द्र जिल्ला समन्वय समिति झापाका संयोजक राजु आचार्य अग्निको अध्यक्षतामा भएको कार्यक्रममा पार्टीका केन्द्रीय सचिव राम कार्की, केन्द्रीय सदस्य झलकसिंह दर्लामी लगायतले विचार राखेका थिए ।
गत स्थानीय चुनावमा निर्वाचित भएका पार्टीका जनप्रतिनिधिलाई सम्मान गरिएको बैठकमा १५ वटै पालिकाका अध्यक्षहरुले सांगठनिक प्रतिवेदन प्रस्तुत गरेका थिए ।
अध्यक्षहरुले प्रस्तुत गरेको प्रतिवेदनमा जनतासँग प्रत्यक्ष जोडिएका पालिकाका समस्या र सरोकारका विषयहरु उठान गरिएको माओवादी केन्द्र मेचीनगर अध्यक्ष राजन चिमरियाले बताए ।
बैठकमा माओवादी केन्द्रका केन्द्रीय सदस्य तथा प्रदेश १ कमिटीका सहायक इन्चार्ज साबित्रीकुमार काफ्ले, केद्रीय सदस्य लक्ष्मी न्यौपाने, केन्द्रीय सदस्य रञ्जित तामाङ, प्रदेश अध्यक्ष हर्क नेम्बाङ, उपाध्यक्ष विजय साम्पाङ, नेता हरिकुमार राना, प्रदेश सचिवालय सदस्य सिपी कडरिया, बोधराज दाहाल, पुरुषोत्तम चुडाल, केन्द्रीय अनुसशासन आयोगका पूर्णसिंह राजवंशी, बन्दना झाँगड लगायतको सहभागिता रहेको थियो ।
बैठकमा पार्टीका जिल्ला कमिटी सदस्य तथा जनवर्गीय संगठनका संयोजकसहित करिब ५ सय जना सहभागी थिए ।
