झापा-सरकारले सोमवार शोक बिदा दिने निर्णय गरेको छ । आइतवार बसेको मन्त्रिपरिषद्को आकस्मिक बैठकले पोखरा विमान दुर्घटनामा ज्यान गुमाएकाहरुको सम्मानमा शोक विदा दिने निर्णय गरेको हो ।
सरकारका प्रवक्ता अर्थमन्त्री विष्णु पौडेलले घटनाप्रति मन्त्रिपरिषद बैठकले गहिरो दुःख व्यक्त गरेको बताए । माघ २ गते शोक मनाउने र एक दिन सार्वजनिक बिदा दिने निर्णय भएको उनले जानकारी दिए ।
- वीरता लेडी जेसीजको मानसिक स्वास्थ्य सचेतना
- सुहाङकाे संसदीय यात्रा सुरू
- बिर्तामोडको शनिश्चरे रोडमा खुल्यो ह्वाइट एञ्जल ब्युटी सैलुन
- बिर्तामोड खानेपानीमा भौगोलिक सूचना प्रणाली
- झापामा गोली हानेर ब्राउन सुगर कारोबारी पक्राउ
आइतवार बिहान पोखरामा यति एयरको विमान दुर्घटना हुँदा त्यसमा सवार सबै ७२ जना यात्रुको ज्यान गएको छ । घटनापछि सरकारले जाँचबुझ आयोग गठन गरेको छ ।
पूर्वसचिव नागेन्द्र घिमिरेको संयोजकत्वमा दुर्घटना जाँच आयोग गठन गरिएको हो । आयोगलाई प्रतिवेदन पेश गर्न ४५ दिनको समय दिइएको छ ।