- बिर्तामोडमा हात्तीपाइले रोगविरुद्द औषधि खुवाउने अभियान सुरु
- जग्गादाता अग्रवाल दम्पत्तिलाई सम्मान
- वीरता लेडी जेसीजकाे आँखा शिविरमा ३९० जनाकाे आँखा जाँच
- वित्तीय निर्देशक श्रेष्ठलाई ५० हजार पुरस्कार
- बिर्तामोडका वडा सदस्यलाई क्षमता विकास तालिम
बिर्तामोड-त्रिपक्षीय साझेदारीमा तीनवर्षभित्र झापा गाउँपालिकामा विपन्न समुदायका लागि ६०३ वटा आवास निर्माण गरिएको छ । सहारा नेपाल, ह्याविट्याट नेपाल र झापा गाउँपालिकाको सहयोगमा ती घर बनेका हुन् ।
सुरक्षित आवास कार्यक्रम तथा दिगो समुदाय परियोजना अन्तरगत ती घर निर्माण भएको सुरक्षित आवास कार्यक्रमका टीम लिडर टीकाप्रसाद कँडेलले बताए ।
‘विपन्न बर्गका लागि सुरक्षित र बलियो आवास निर्माण परियोजनाको उद्देश्य हो’, कँडेलले भने, ‘गरिबीको रेखामुनि रहेका नागरिक हाम्रो प्राथमिकतामा छन् ।’
परियोजनाले सुकुम्बासी, पिछाडिएको बर्ग, प्रकोप प्रभावित, महिला र फरक क्षमता भएका ब्यक्ति तथा समुदायलाई लक्षित गरी आवास निर्माण गर्दै आएको छ ।
सुरक्षित आवासका लागि पालिकास्तरीय परियोजना सल्लाहकार समितिको कुमरखोदमा आइतवार भएको अन्तरक्रियामा सहभागीहरुले विपन्नका लागि अझै आवासको खाँचो रहेको औँल्याएका छन् ।
गाउँपालिका अध्यक्ष जयनारायण साहको अध्यक्षतामा भएको कार्यक्रममा सहारा नेपालका संरक्षक डिल्लीराम सिटौला, ह्याविट्याट नेपालका सिनियर अप्रेसन मेनेजर रामसिंह दनुवार लगायतले धारणा राखेका छन् ।
सहारा नेपालका लेखा अधिकृत राजु गिरीका अनुसार सन् २००७ देखि ह्याविट्याट र सहाराले साझेदारीमा काम गर्दै आएका छन् । झापा, मोरङ, सुनसरी र उदयपुरमा साझेदारीमा परियोजनाले आवास निर्माण गर्दै आएको गिरीले जानकारी दिए ।
कार्यक्रममा सहारा नेपालका उपाध्यक्ष सोमनाथ तिम्सिना, कोषाध्यक्ष श्यामकुमार प्रधान, सदस्य प्रेमप्रसाद उप्रेती र कमला थपलिया लगायतको उपस्थिति रहेको थियो ।