- झापामा सवारी दुर्घटना : एकैदिन चार जनाको मृत्यु
- बसको ठक्करबाट मोटरसाइकल चालक गरामनीका खरेलको मृत्यु
- यी हुन् झिलझिले दुर्घटनामा ज्यान गुमाउने तीन युवक
- झापाको झिलझिलेमा दुर्घटना हुँदा तीन जनाको मृत्यु
- ब्राउन सुगरसहित काँकडभिट्टाबाट समातिए धादिङका युवक
मोरङ–स्थानीय तहको निर्वाचन मिति नजिकिँदै गर्दा मोरङ प्रशासनले जिल्लाका मतदानस्थलको निरीक्षण तथा अनुगमन गरेको छ।
मोरङका प्रमुख जिल्ला अधिकारी काशीराज दाहालको नेतृत्वमा रहेको टोलीले भारतसँगको सीमा क्षेत्रमा रहेकासहित जिल्लाका ३६ वटा मतदानस्थलको निरीक्षण गरेको हो।
प्रमुख जिल्ला अधिकारी दाहालले सुरक्षाका दृष्टिकोणले आउँदो निर्वाचनलाई लिएर मोरङका मतदानस्थललाई तीन भागमा विभाजन गरिएको जानकारी दिए। उनका अनुसार मोरङमा अति संवेदनशील, संवेदनशील र सामान्य गरेर मतदानस्थललाई विभाजन गरिएको छ।
मोरङमा ३ सय मतदानस्थल र ८ सय २० वटा मतदान केन्द्र छन्। जिल्लामा ७ लाख १५ हजार २ सय २३ जना कुल मतदाता रहेको जिल्ला निर्वाचन कार्यालय मोरङले जनाएको छ । मतदातामध्ये महिलाको संख्या ३ लाख ५१ हजार ७ सय ६९, पुरुष ३ लाख ६३ हजार ४ सय ४८ र अन्यमा ६ जना छन् ।
