१६ चैत्र २०८०, शुक्रबार | Fri Mar 29 2024

निर्वाचन तयारी तीब्र : झापामा ७६० मतदान केन्द्र




झापा– स्थानीय तह निर्वाचनको मिति नजिकिँदै गर्दा जिल्ला तहमा निर्वाचनको तयारी तीब्र पारिएको छ । जिल्ला निर्वाचन कार्यालय झापाका अनुसार केन्द्रीय निर्देशन अनुसार तयारी भइरहेको हो ।

सरकारले बैशाख ३० का लागि स्थानीय तह निर्वाचनको मिति घोषणा गरेपछि आयोगले मतदानस्थल र मतदान केन्द्रको टुङ्गो लगाउँदै प्रारम्भिक तयारी थालेको जिल्ल निर्वाचन अधिकृत तुलसीप्रसाद नेपालले बताए ।

झापा धेरै मतदाता भएको दोस्रो जिल्लाका रुपमा गनिन्छ । मोरङपछि झापामा सबैभन्दा धेरै ६ लाख ४६ हजार २ सय ३४ मतदाता छन् ।

मतदाता संख्याका हिसावले संघीय राजधानी काठमाडौँ ६ लाख ३७ हजार ७ सय ७५ सहित तेस्रो स्थानमा छ । ‘मतदाताको बढ्दो संख्या र चापका हिसावले निर्वाचन तयारी भइरहेको छ’, अधिकृत नेपालले भने ।

निर्वाचन कार्यालयका अनुसार १५ वटा स्थानीय तह रहेको झापामा २८६ मतदानस्थल र ७६० मतदान केन्द्र तोकिएको छ ।

प्रकाशित मिति : १९ चैत्र २०७८, शनिबार ००:००  ९ : ५६ बजे