१६ चैत्र २०८०, शुक्रबार | Fri Mar 29 2024

विद्यार्थीले नयाँ किताव नपाएपछि अनेरास्ववियु आक्रोसित



झापा- अनेरास्ववियुले विद्यार्थीलाई समयमा पाठ्यपुस्तक उपलब्ध नगराइएको भन्दै आक्रोस व्यक्त गरेको छ । शैक्षिक सत्र सुरु भइसक्दा पनि विद्यार्थीले पाठ्यपुस्तक नपाएपछि अनेरास्ववियुले सरकारसँग आक्रोस व्यक्त गरेको हो ।

शिक्षा, विज्ञान तथा प्रविधि मन्त्रालय र जनक शिक्षा सामग्री केन्द्रको चरम् लापरवाहीको कारण विद्यार्थीको हातमा नयाँ पाठ्यपुस्तक पुग्न सकेको छैन् ।

जनक शिक्षा सामाग्री केन्द्रले रुस र युक्रेन युद्धको कारण देखाउँदै लाखौँ विद्यार्थीको भविष्यमाथि खेलवाड गरी समयमा पाठ्यपुस्तक छाप्न सकिएन भनेर गैरजिम्मेवार जवाफ दिएको अनेरास्ववियुकी अध्यक्ष सुनिता बरालले बताइन् ।

अब यस वर्ष शैक्षिक सत्र सकिँदासम्म पनि पाठ्यपुस्तक नपाउने अवस्था रहने पक्का छ, अध्यक्ष बरालले भनिन् । उनले विद्यार्थीको हातमा तुरुन्तै पाठ्यपुस्तक पुर्याउन शिक्षा मन्त्रालय र जनक शिक्षा सामग्री केन्द्रको ध्यानाकर्षण गराएकी छन् ।

प्रकाशित मिति : १३ जेष्ठ २०७९, शुक्रबार ००:००  ३ : २५ बजे