प्रसाई र संग्रौलाको पक्षमा उभिए बिर्तामोडका शिक्षक कर्मचारी

• स्पीक कर्नरका सम्पादक न्यौपाने सम्मानित
• राष्ट्रिय टीममा फिर्ता आए सन्दीप
• मेची प्रादेशिक अस्पतालमा मन्त्रीको छड्के
• प्रथम अध्यक्षलाई अभिनन्दन गर्दै प्रेस चौतारी झापा
• बिर्तामोड नगरपालिकाद्वारा विपन्न जेष्ठ नागरिकलाई न्यानो कपडा वितरण

बिर्तामोड– नेपाल राष्ट्रिय शिक्षक संगठन नेकपा एमालेका उमेद्वारलाई सघाउन तयार भएको छ । बिर्तामोडमा आयोजित अन्तरक्रियामा संगठनका नेताहरुले मेयरका उमेद्वार पवित्रा महतारा प्रसाई र उपपमेयरका उमेद्वार नगेन्द्र सङ्ग्रौलाको पक्षमा मतदान गर्ने गरी जनस्तरबाट भूमिका खेल्ने प्रतिवद्धता व्यक्त गरेका हुन् ।

शैक्षिक क्षेत्रमा देखिएका समस्या समाधानका लागि एमाले नेतृत्वको स्थानीय सरकार आवश्यक रहेको निष्कर्षसहित बिर्तामोडमा कार्यरत शिक्षकहरु निर्वाचनमा प्रसाई र संग्रौलाको टीमलाई सघाउन तयार भएका हुन् ।

संगठनका अध्यक्ष उमानाथ भण्डारीले शिक्षा क्षेत्रका समस्या भएका समस्या अवगत गराउँदै एमालेका उमेद्वारलाई घाउन आफूहरु तयार भएको बताए । कार्यक्रममा सङ्गठनका पूर्व अध्यक्ष कृष्णप्रसाद अधिकारी, वर्तमान कोषाध्यक्ष तिलक गजमेरले लगायतले एमालेका उमेद्वारलाई सघाउने, उनीहरुका पक्षमा जनमत सिर्जना गर्ने अभियानमा सहभागी हुने धारणा राखेका छन् ।

मेयरका उमेद्वार पवित्रा महतारा प्रसाईले राजनीतिक परिवर्तनको आन्दोलनमा शिक्षकहरुको भूमिका सधैँ प्रशंसनीय रहेको जनाउँदै कानुनले रोक लगाएको बाहेकका हक अधिकार दिलाउन आफू हिजो पनि प्रतिवद्ध रहेको र आगामी पनि पनि गम्भीर र संवेदनशील हुने बताइन् ।

शिक्षक कर्मचारीमाथि हुने हेपाहा व्यवहारविरुद्ध उत्रिने जनाउँदै नगर प्रमुखकी उमेद्वार प्रसाईले आफूलाई मतदान गरेर जिताउन सबैसँग अपिल पनि गरिन् । उपमेयरका उमेद्वार नगेन्द्रप्रसाद सङ्ग्रौलाले शैक्षिक गुणस्तर कायम गर्ने र शिक्षक कर्मचारीका जायज माग सम्वोधन गर्न आफूहरु सधैँ तयार हुने बताए ।

बिर्तामोड नगरपालिकामा १८ वटा सामुदायिक, ५५ वटा संस्थागत र दुई वटा धार्मिक बिद्यालय सञ्चालनमा छन् ।