- बस दुर्घटनामा तीन जनाको मृत्यु
- इटहरीकाे सेन्टर प्लाजामा आगलागी : नाै जनाको उद्धार, आगाे निभाउन १२ वटा दमकल परिचालन
- माध्यमिक शिक्षा परीक्षामा आठ हजार विद्यार्थी अनुपस्थित
- मान्छे किन्ने बेच्नेलाई २० वर्ष कैद र ५ लाख जरिवानाको प्रस्ताव
- १० वर्षमा ८२ लाख नागरिक बसाईं सरे : पहाड छोड्नेको सङ्ख्या अत्याधिक
झापा–लगानीयोग्य रकमको अभाव चुलिन थालेपछि सोमबारदेखि १८ वटा बैंक तथा वित्तीय संस्थाले निक्षेपको ब्याज बढाएका छन् । १० वटा बाणिज्य बैंकले बैंकर्स एसोसिएसनमा भएको सहमति लत्याउँदै निक्षेपमा ब्याजदर बढाएका हुन् ।
सरकार नियन्त्रित संस्थाहरुको रकम तान्ने बैंकहरुको होडले ब्याजदर उकालो लागेको छ । बैंकका सिइओहरुको छाता संगठन बैंकर्स एसोसिएसनमा आइतबार बसेको बैठकले ब्याजदरलाई १० प्रतिशतको सीमामा राख्ने सहमति गरेको थियो ।
तर, सोमबार बिहानबाट लागू हुने गरी १० वटा बाणिज्य बैंकले १० प्रतिशतभन्दा माथि ब्याजदर दिने घोषणा गरेका छन् । लगानीयोग्य रकमको अभाव बढेपछि ब्याजदर बढाएर बैंकले अर्काको निक्षेप खोस्न थालेका हुन् ।
हिमालय बैंकले संस्थागत निक्षेपकर्तालाई १ वर्षभन्दा माथिकोमा २७ बैंकहरुमध्ये सबै भन्दाबढी अर्थात ११ दशमलव ६७ प्रतिशत ब्याज दिने घोषणा गरेको छ । निक्षेपमा बढेको ब्याजले आगामी दिनमा कर्जाको ब्याज पनि बढाउने देखिन्छ । तर, बैंकरहरु यो मान्न तयार छैनन् ।
ब्यक्तिगत मुद्दति निक्षेपमा भने एनआइसी एसियाले ११ दशमलव १० प्रतिशत ब्याज दिने बताएको छ । जुन असोज महिनाको तुलनामा साढे २ प्रतिशत बढी हो । तर, संस्थागत निक्षेपमा भने हिमालय बैंकले ३ दशमलव ६७ प्रतिशत बढाएको छ ।
कर्मचारी सञ्चय कोष, नागरिक लगानी कोष, सैनिक कल्याणकारी कोष जस्ता सरकार नियन्त्रित संस्थाहरुको रकम तान्ने बैंकहरुको होडले ब्याजदर उकालो लागेको हो । बाणिज्य बैंकहरुले ब्याजदरमा होडबाजी गरेपछि बिकास बैंकहरुको समेत ब्याजदर उकालो लागेको छ ।
यही दरमा बैंकहरुबीच ब्याजदरमा प्रतिस्पर्धा भए उत्पादन लागत बढ्ने र सरकारले लक्ष्य राखेअनुसार आर्थिक बृद्धि हुन कठिन हुने बैंकरहरु स्वीकार्छन् । कर्जाको ब्याजदर बढ्न नदिन अब सरकारले बिकास खर्च बढाउनु जरुरी देखिएको छ ।
