पर्सा-पर्साको बहुदरमाई नगरपालिकाका सामुदायिक विद्यालयका शिक्षक आन्दोलित भएका छन् । सात महिनादेखि तलब नपाएपछि उनीहरू आन्दोलनमा उत्रिएका हुन् ।
साउनदेखि हालसम्म तलब तथा सेवा सुविधा नपाएका २० वटा सामुदायिक विद्यालयका शिक्षक कर्मचारीले आइतबार प्रमुख जिल्ला अधिकारी गणेश अर्याललाई साँचो हस्तान्तरण गरेका छन् ।
तलब नपाएको विरोधमा शिक्षकहरू प्लेकार्ड बोकेर जिल्ला प्रशासन कार्यालय पुगेका थिए । पटक-पटक माग गर्दा पनि सुनुवाई नभएपछि विद्यालयको साँचो बुझाउनु परेको नेपाल शिक्षक महासंघ पर्साका अध्यक्ष तीर्थराज यादवले बताउनुभयो ।
