- झापाको झिलझिलेमा दुर्घटना हुँदा तीन जनाको मृत्यु
- ब्राउन सुगरसहित काँकडभिट्टाबाट समातिए धादिङका युवक
- घाँटीको सिक्री थुतेर भाग्ने राजवंशी पक्राउ
- सिद्धार्थ बैंकद्वारा पाउ पाथिभरा मन्दिरमा सरसफाई र डस्टबिन वितरण
- टेलिभिजन पत्रकार विष्णुकुल श्रेष्ठ पुरस्कृत
झापा– स्थानीय सरकारको समन्वय र केन्द्र सरकारको सहयोगमा झापाको बिर्तामोड–३ बिर्ता बजारमा व्यवसायिक भवन निर्माण हुने भएको छ । टहरामा व्यापार व्यवसाय गर्दै आएका व्यवसायीका लागि सुविधा सम्पन्न व्यापारिक भवन निर्माण गर्न लागिएको हो ।
नगर प्रमुख पवित्रा महतारा प्रसाईले बिर्ता बजारमा छ करोड रुपैयाँको लागतमा आधुनिक सुविधा सम्पन्न व्यवसायिक भवन निर्माण गर्ने प्रक्रिया अघि बढेको बताउनुभयो ।
‘कार्यपालिका बैठकले भवन निर्माणस्थल खाली गर्न निर्देशन दिएको छ’, प्रसाईले भन्नुभयो, ‘तत्काल भवन निर्माण प्रक्रिया सुरु हुन्छ ।’
वडाध्यक्ष मदन बुढाथोकीका अनुसार बिर्ता बजारका टहरामा व्यवसाय गर्दै आएका व्यवसायीले ओगटेको क्षेत्रमा व्यवसायिक भवन निर्माण गर्न लागिएको हो ।
‘भवनका लागि दुई करोड रुपैयाँ निकासा भइसकेको छ’, अध्यक्ष बुढाथोकीले भन्नुभयो, ‘आगामी आर्थिक वर्षमा पनि थप बजेट प्राप्त हुन्छ ।’
तीनतले सो भवनमा कम्तीमा ६४ वटा सटर रहनेछन् । भवन निर्माण नभएसम्म टहरामा रहेका व्यवसायीलाई शिवालय मन्दिर अगाडि व्यवस्थापन गरिनेछ ।
अध्यक्ष बुढाथोकीले चालू आर्थिक वर्ष सकिन लागेकोले अबको २० दिनभित्र काम शुरु नगरे बजेट फ्रिज हुने बताउनु भयो । जेठ २६ भित्रमा निर्माणस्थल खाली गर्ने व्यवसायीको प्रतिवद्धता छ ।
प्रदेश सांसद एकराज कार्की सहितको बैठकले आइतवार टहरामा रहेका व्यवसायीको माग सम्वोधन गर्ने प्रतिवद्धता जनाएको थियो । २७ गतेदेखि भवन निर्माणका लागि खन्ने काम सुरु हुने वडाध्यक्ष बुढाथोकीले बताउनुभयो ।