बिर्तामोडका चार ठाउँमा बन्ने भए अण्डरपास र ओभरपास

• स्पीक कर्नरका सम्पादक न्यौपाने सम्मानित
• राष्ट्रिय टीममा फिर्ता आए सन्दीप
• मेची प्रादेशिक अस्पतालमा मन्त्रीको छड्के
• प्रथम अध्यक्षलाई अभिनन्दन गर्दै प्रेस चौतारी झापा
• बिर्तामोड नगरपालिकाद्वारा विपन्न जेष्ठ नागरिकलाई न्यानो कपडा वितरण

झापा– पूर्वपश्चिम राजमार्ग विस्तारका क्रममा झापाको काँकडभिट्टादेखि सुनसरीको लौकी खण्डमा ११ वटा ओभरपास र २० वटा अन्डरपास बन्ने भएका छन् ।

परामर्शदाताले तयार गरेको डीपीआर अनुसार झापाको चारआली, सुनसरीको बाँसवारी र पकलीमा १–१ वटा, झापाको बिर्तामोडमा दुई वटा, दमक र इटहरीमा ३–३ वटा अन्डरपास निर्माण हुने भएका हुन् ।

झापाको चारआलीमा मेची राजमार्गको क्रसिङ, बाँसवारीमा तीनपानी जाने सडक र पकलीमा चन्दबेला सडकमा ओभरपास बन्नेछ । बिर्तामोडमा शनिश्चरे सडक र हस्पिटल छेउमा ओभरपास बन्ने छ ।

दमकमा दमक बसपार्क, पशुपति रोड, राजस्व कार्यालय र क्रिकेट ट्रेनिङ सेन्टरमा ओभरपास बन्ने छ । यस्तै, इटहरीमा तीन वटा ओभरपास बन्ने छ ।

इटहरीको तलतलिया रोड क्रसिङ, कोशी हाइवे क्रसिङ र कलंकी चोक, जननायक बीपी कोरइराला रोडमा ओभरपास बन्ने छ ।
सडक विभाग आयोजना निर्देशनालय एडीबीका आयोजना उपनिर्देशक राकेश महर्जनले काँकडभिट्टा लौकी सडक खण्डको डीपीआर तयार भइसकेको बताए ।

‘परामर्शदाताले डीपीआर तयार गरी आयोजनालाई बुझाई सक्नु भएको छ । डिजाइनमा आवश्यक संशोधन गर्न आयोजनाले परामर्शदातालाई कमेन्ट पठाएको छ,’ महर्जनले भने, ‘परामर्शदाताले कमेन्ट अनुसारको संशोधन गरेपछि सडक विभागबाट स्वीकृति दिइनेछ ।’

दुई लेनको पूर्व–पश्चिम राजमार्गलाई चार लेनमा विस्तार गर्न आवश्यक डीपीआर निर्माण गर्न २०७७ असोज १८ गते सम्झौता भएको थियो । आयोजनाका अनुसार काँकडभिट्टा–लौकीको दूरी १२० किलोमिटर छ ।