काठमाडौं- नेकपा एमाले अध्यक्ष एवं पूर्वप्रधानमन्त्री केपी शर्मा ओलीको पित्तथैलीमा रहेको ढुंगा शल्यक्रियामार्फत निकालिएको छ ।
डा. पलेस्वाँ जोशी लाखेको नेतृत्वमा भएको शल्यक्रियापछि उनलाई आईसीयूमा सारिएको चिकित्सकहरूले जनाएका छन् । निकालिएको ढुंगा २२ एमएमको रहेको बताइएको छ ।
यसअघि पक्राउ परेका ओली त्रिवि शिक्षण अस्पताल मा उपचाररत थिए । सर्वोच्च अदालतको आदेशपछि उनी पत्नी राधिका शाक्य को जिम्मामा रिहा भएका थिए ।
