नेकपा एमालेका अध्यक्ष केपी शर्मा ओलीले राष्ट्रिय स्वतन्त्र पार्टी चुनाव भाड्ने मनस्थितिमा पुगेको टिप्पणी गर्नु भएको छ । झापाको भद्रपुर विमानस्थलमा सञ्चारकर्मीसँग कुरा गर्दै एमाले अध्यक्ष ओलीले निर्वाचन हारिन्छ भन्ने निष्कर्षसहित राष्ट्रिय स्वतन्त्र पार्टीले अरु पार्टीका झण्डा जलाउन थालेको बताउनुभयो ।
राष्ट्रिय स्वतन्त्र पार्टीका पछिल्ला गतिविधि अशोभनीय र तनाव बढाउने खालका भएको बताउँदै पूर्व प्रधानमन्त्री समेत रहनुभएका एमाले अध्यक्ष ओलीले चुनाव हुन नदिने परिस्थिति सिर्जना गर्न खोजिएको बताउनुभयो ।
शान्तिपूर्ण निष्पक्ष र भयरहित निर्वाचन हुन्छ भन्नेमा अझै पनि सरकारले आश्वस्त पार्न नसकेको बताउँदै एमाले अध्यक्ष ओलीले चुनावबाट कुनै पनि हालतमा पछाडि सर्न नहुने उल्लेख गर्नुभयो । निर्वाचन बलजफ्ती गर्ने विषय नभएको बताउँदै अध्यक्ष ओलीले नियम कानुन र परिधिभित्र सबै राजनीतिक दल बस्नुपर्ने बताउनुभयो। ।
