- निवर्तमान सभामुख देवराज घिमिरेद्वरा बाल कल्याण आधारभूत विद्यालयबाट मतदान
- आफ्नो विजय सुनिश्चित भएको घिमिरेको दाबी : परिणामको पर्खाइमा रहेको प्रतिक्रिया
- महाकाली सन्धिमा हस्ताक्षर नगरेको देवराज घिमिरेको स्पष्टोक्ति
- कांग्रेसको प्रतिज्ञा : वार्षिक ३० लाख पर्यटक भित्र्याउने योजना
- पर्यटन प्रवर्द्धन गर्न ‘घुमौँ झापा साइकलमा’ आयोजना हुने
बिर्तामोड– दीगो आम्दानीको स्रोत व्यवस्थापनका लागि बिर्तामोड उद्योग वाणिज्य संघले भवनको पहिलो तला (मुख्य भवन बाहेकको) व्यवसायिक प्रयोजनमा लगाउने भएको छ । आज भएको संघको पाँचौ वार्षिक साधारणसभाले यस्तो निर्णय गरेको हो ।
साधारण सभामा अध्यक्ष प्रकाश सिवाकोटीले भवनको भूइँतला व्यवसायिक प्रयोजनमा लगाउने सम्वन्धी प्रस्ताव पेश गर्नु भएको थियो । वरिष्ठ उपाध्यक्ष राजु न्यौपानेका अनुसार अध्यक्षको लिखित प्रस्तावमा व्यवसायीले सहमति जनाएका छन् ।
संघलाई आर्थिकरुपमा अझै सवल र दरिलो बनाउन पहिलो तला भाडामा लगाउने निर्णय भएको महासचिव अर्जुन मैनालीले बताउनु भयो ।
‘संघको कार्यालय परिसरको भूइँतला तथा पश्चिम र उत्तरको कम्पाउण्डवालको ठाउँमा सटरसहितको कोठा तयार गरी व्यापारिक प्रयोजनका लागि भाडामा लगाउने निर्णय भएको छ’, महासचिव मैनालीले भन्नुभयो ।
साधारण सभाले स्थानीय तह, सुरक्षा निकाय र व्यवसायीको समन्वयमा रात्रिकालिन बजार सञ्चालनका लागि पनि आवश्यक पहल गर्ने निर्णय गरेको महासचिव मैनालीले जानकारी दिनुभयो ।
