- सर्वोच्चद्वारा निर्वाचन आयोगको निर्णय सदर : गगन समूहलाई आधिकारिकता
- शनिबार र आइतबार अस्पतालमा सार्वजनिक बिदा
- भर्ना र पठनपाठन आफ्नै निर्णय अनुसार गर्न स्थानीय तहलाई सर्कुलर
- बिर्तामोड चिल्ड्रेन अस्पतालमा बैशाख ७ देखि निःशुल्क स्वास्थ्य शिविर
- रास्वपाले मन्त्री र सांसदका लागि मासिक लेबी तोक्यो
अर्जुनधारा– अर्जुनधारा नगरपालिकामा नेकपा एमालेका तर्फबाट मेयरका उम्मेद्वार बलदेव गोम्देन तामाङले आफुहरुको जित सुनिश्चित रहेको बताएका छन् ।
अर्जुनधाराको २ नम्बर वडामा हिजो आयोजित चुनावी कोणसभालाई सम्बोधन गर्दै उनले अहिलेको चुनावी माहोल जित तिर लम्किरहेकाले आफुहरुको जित निश्चित भएको बताएका हुन् ।
गोम्देनले आफुहरुको जितसँगै अर्जुनधारामा विकासको लहर ल्याउने बताए । उनले अर्जुनधारालाई समृद्ध र नमुना नगर बनाउन एमालेको बिकल्प नरहेको दावी गरे ।
आफु नेतृत्वको जनप्रतिनिधिले विजय भएपछि हरगाउँ हरठाउँमा समान समाबेशी बिकासको योजना ल्याउने उनले बताए ।
चुनावी अभियान अन्तरगत अर्जुनधाराको २ नम्बर वडाका बिभिन्न स्थानमा भएका कोणसभामा उपमेयरकी उम्मेदवार खड्गमामा पराजुलीले पनि अर्जुनधाराको विकासका लागि नेकपा एमालेका उम्मेदवारको विकल्प नरहेको बताइन् ।
चुनावी अभियानका क्रममा २ नम्बर वडाका वडाध्यक्षका उम्मेदवार तुलसी खतिवडा, सदस्य पदका उम्मेदवारहरु प्रेम उपरकोटी, शर्मिला सुब्बा, बलबहादुर समाल र विमला रोक्काले पनि मतदाता समक्ष सूर्य चिन्हमा मतदान गरी आफूहरुलाई विजयी गराइदिन आग्रह गरेका छन् ।
