झापा–इजरायल रोजगारीका लागि सिफारिस भएका एक हजार ६ सयजनाको नाम सार्वजनिक भएको छ। वैदेशिक रोजगार विभागले आवश्यक मापदण्ड पूरा गरेर अन्तर्वार्तामा सहभागी भएका एक हजार आठ सय तीनजनामध्येबाट एक हजार ६ सयजनाको नाम सिफारिस गरेको हो।
सिफारिस गरिएकामा ७० प्रतिशत महिला र ३० प्रतिशत पुरुष रहेका छन्। इजरायलले नेपाली कामदार लैजाने कोटा भने १४ सय रहेको छ। सिफारिस भएका १६ सयमध्येबाट पपुलेसन एन्ड इमिग्रेसन अथोरिटी पिआइबिएले १४ सय योग्य कामदार छनोट गर्नेछ।
