झापा : झापामा पिकअप गाडीको ठक्करबाट एक बालकको घटनास्थलमै मृत्यु भएको छ। मृत्यु हुनेमा सर्लाही भक्तिपुर गाउँपालिका-३ ईश्वरपुर घर भई हाल झापा कमल गाउँपालिका-५ बस्ने लोहरा कापरीको ४ वर्षीय छोरा मानव कापरीको रहेको प्रहरी कार्यालय झापाका डिएसपी राकेश थापाले जानकारी दिए।
- शिवसताक्षीमा साबुन र बुके बनाउने तालिम
- एसईईमा उत्कृष्ट १० विद्यार्थीलाई शिवसताक्षी-६ को सम्मान
- प्रधानमन्त्रीले जवाफ दिनुपर्ने एमालेको अडान : परराष्ट्रमन्त्रीको स्पष्टीकरण अस्वीकार्य
- सम्पत्ति विवरण बुझाउने समयसीमा असार मसान्तसम्म
- करका दरमा फेरबदलको आरोप : अर्थमन्त्री वाग्ले दबाबमा
प्रहरीका अनुसार पूर्व पश्चिम राजमार्गअन्तर्गत कमल-५ स्थित निर्माणाधीन आदिवासी रङशाला अगाडि पूर्वबाट पश्चिमतर्फ जाँदै गरेको प्रदेश ०३-००१च०३६४ नम्बरको पिकअप गाडीले बाटो काट्ने क्रममा बालक कापरीलाई शुक्रबार ठक्कर दिएको थियो।
पिकअपको ठक्करबाट बालकको घटनास्थलमै मृत्यु भएको डिएसपी थापाले बताए। घटनापश्चात् इलाका प्रहरी कार्यालय दमकको टोलीले गाडी र गाडी चालक मकवानपुर हेटौँडा नगरपालिका-११ बस्ने २४ वर्षीय अजय पाख्रिनलाई नियन्त्रणमा लिएको छ। शवलाई पोस्टमार्टमका लागि दमक अस्पताल पुर्याएको प्रहरीले जनाएको छ।
