बिर्तामोड – झापामा कोरोना भाइरसको संक्रमण तीव्र हुँदै गएको छ । जारी निषेधाज्ञाका बीच पनि संक्रमितको संख्या नघटेको हो । यसअघि स्थानीय तहले अनुकूलताका आधारमा नगर वा गाउँपालिका सिल गरेका थिए । कोरोनाको संक्रमण घटाउन साउन १६ गते रातिदेखि झापामा निषेधाज्ञा चलिरहेको छ ।
जिल्ला स्वास्थ्य कार्यालयको विहीवार साँझसम्मको तथ्याङ्क अनुसार झापामा कोरोना सक्रिय संक्रमितको संख्या ३३ सय २३ छ । लगातार सक्रिय संक्रमितको संख्या थपिँदै गएको स्वास्थ्य कार्यालयका कोरोना फोकल पर्सन जीवन चौलागाईले बताउनु भयो । विहीवार २१३ जनामा संक्रमण पुष्टि भएको छ ।