बिर्तामोड-इलाका प्रहरी कार्यालय दमकको हिरासतबाट फरार भएका लागूऔषध मुद्दाका एकजना अभियुक्तलाई प्रहरीले पक्राउ गरेको छ ।
पक्राउ पर्नेमा गौरादह नगरपालिका वडा नम्बर-१ घर भएका १९ वर्षीय करण यादव छन् । दमक नगरपालिका-६ थानारोडबाट यादवलाई बुधबार साँझ पक्राउ गरिएको हो ।
जिल्ला प्रहरी कार्यालय झापाका अनुसार जेनजी आन्दोलनका क्रममा भदौ २४ गते दमक प्रहरीको हिरासतबाट यादव भागेका थिए ।
पक्राउ परेका यादवलाई इलाका प्रहरी कार्यालय दमकको हिरासतमा राखेर अनुसन्धान सुरु गरिएको छ ।
