बिर्तामोड-झापामा पछिल्लो छ महिनामा ६६ जना कुष्ठरोगी थपिएका छन् । छ बालबालिकासहित ६६ जना कुष्ठरोगी फेला परेको जिल्ला स्वास्थ्य कार्यालय झापाले जनाएको छ ।
जिल्ला स्वास्थ्य कार्यालयका कुष्ठरोग फोकल पर्सन वीरेन्द्र दासका अनुसार सबैभन्दा बढी भद्रपुरमा ११ जना नयाँ कुष्ठरोगी थपिएका हुन् ।
झापामा १५ पालिका छन् । तीमध्ये दमकमा थप १० जनामा कुष्ठरोग फेला परेको छ । कचन कवल गाउँपालिकामा आठ नयाँ कुष्ठरोगी फेला परेको दासले बताउनुभयो ।
