बिर्तामोड- नेकपा एमालेनिकट नेपाल स्वास्थ्यकर्मी तथा कर्मचारी युनियन मेची आँखा अस्पतालले बुधवार १५ औँ स्थापना दिवसको अवसरमा बालबालिकाको आँखा जाँच गरेको छ ।
युनियनले बिर्तामोड ४ स्थित लालीगुराँस टोलमा रहेको तारा नमस्ते बाल ग्रामका बालबालिकाको आँखा जाँच गरेको हो । बालग्राममा अभिभावकविहीन बालबालिका आश्रित छन् ।
आश्रित बालबालिकालाई खाद्य सामग्री पनि प्रदान गरिएको युनियन केन्द्रीय सचिव तथा महिला बिभाग प्रमुख कबिता कार्कीले बताइन् । उनका अनुसार २८ जना बालबालिकाको आँखा जाँच गरिएको छ ।
कर्मचारी युनियनका अध्यक्ष होमप्रसाद धितालको अध्यक्षता भएको कार्यक्रममा तारा नमस्ते बाल ग्रामकी सञ्चालक यशोधा पोखरेलले सहयोगप्रति आभार प्रकट गरेकी छन् ।
