- शिवसताक्षीमा साबुन र बुके बनाउने तालिम
- एसईईमा उत्कृष्ट १० विद्यार्थीलाई शिवसताक्षी-६ को सम्मान
- प्रधानमन्त्रीले जवाफ दिनुपर्ने एमालेको अडान : परराष्ट्रमन्त्रीको स्पष्टीकरण अस्वीकार्य
- सम्पत्ति विवरण बुझाउने समयसीमा असार मसान्तसम्म
- करका दरमा फेरबदलको आरोप : अर्थमन्त्री वाग्ले दबाबमा
झापा– सत्ता गठबन्धनको साझेदार दल नेकपा एकीकृत समाजवादी झापामा एक्लै चुनावी मैदानमा उत्रिने भएको छ । भागवण्डामा सहमति नजुटेपछि समाजवादी गठबन्धनबाट बाहिरिएको हो । उसले सबै पालिकामा आफ्नो उमेद्वार सार्वजनिक गरेको छ ।
सहमति नहुने देखेर आफूहरु गठबन्धनबाट बाहिरिएको नेकपा समाजवादीका जिल्ला अध्यक्ष वेदराज रेग्मीले बताए । उनले अस्ति गरिएको सहमतिभन्दा पछि हटेर आफूहरुलाई अपमान गर्न खोजिएको बताए ।
समाजवादीले चारवटा उपप्रमुख मागेकोमा कांग्रेस र माओवादीले मुस्किलले एउटा उपप्रमुख र चारवटा वडाध्यक्ष मात्र दिन खोजेपछि चित्त नबुझेर आफूहरु छोडेर हिँडेको उनले बताए ।
गठबन्धनमा सहमति नभएपछि नेकपा समाजवादीले १५ पालिकामा उम्मेदवारी दिने तयारी गरेको प्रचार विभाग प्रमुख तीर्थ सिग्देलले जानकारी दिए ।
उम्मेद्वारको टुंगो नलागेपछि आफूहरुले पनि तयारी शुरु गरेको जसपाका जिल्ला अध्यक्ष दिपेनवाला राईले बताए । आफूहरुले एउटा उपमेयर र नौ वटा वडाध्यक्ष दावी गरेकोमा कांग्रेस र माओवादीले ५ वटा वडाध्यक्ष दिन खोजेको राईले बताए ।
कांग्रेस र माओवादीले आन्तरिक सहमति गरेर नेकपा समाजवादी र जसपालाई बाइपास गर्न खोजेको उनीहरुको बुझाई छ ।
