बिर्तामोड–
निवर्तमान सभामुख देवराज घिमिरेले झापाको अर्जुनधारा नगरपालिका–६ स्थित बाल कल्याण आधारभूत विद्यालय बाट मतदान गर्नुभएको छ।
उहाँले आज बिहान मतदान केन्द्रमा पुगेर आफ्नो मताधिकार प्रयोग गर्नुभएको हो ।
मतदान गरेपछि सञ्चारकर्मीसँग कुरा गर्दै उहाँले लोकतन्त्रमा जनताको मत नै सबैभन्दा ठूलो शक्ति भएको उल्लेख गर्नुभयो।
उहाँले देशमा शान्ति र स्थिरता कायम गर्नका लागि मतदाताले जिम्मेवारीपूर्वक आफ्नो मताधिकार प्रयोग गर्ने विश्वास व्यक्त गर्दै त्यसका लागि परिणामको प्रतीक्षा गर्नुको विकल्प नभएको बताउनुभयो।
