ताप्लेजुङ-ताप्लेजुङको फुङ्लिङ नगरपालिकाले बन्द हड्तालका कार्यक्रम फिर्ता लिन सरोकारवालालाई आह्वान गरेको छ ।
नगर प्रमुख अमिर मादेनले प्रेस विज्ञप्ति जारी गरी घोषित बन्द हड्तालका कार्यक्रम फिर्ता लिन आग्रह गर्नुभएको हो ।
नगर प्रमुख मादेनले प्रहरीसँगको झडपमा घाइते भएकाहरूको शीघ्र स्वास्थ्य लाभको कामना पनि गर्नुभएको छ । प्रहरीसँगको झडपमा दुई दर्जन घाइते भएका थिए ।
पाथिभरामा केवलकार निर्माणको विरोध गर्दै नो केवलकार समूहले मेची राजमार्ग र तमोर करिडोरमा बन्द आह्वान गर्ने निर्णय गरेको थियो ।
बन्दा आह्वानका कारण मङ्गलबार मेची राजमार्गमा सवारी आवागमन प्रभावित भएको छ ।
