झापा- नेकपा एमाले भित्रको आन्तरिक विवाद निरुपण भएसँगै प्रदेश १ को मुख्यमन्त्रीका रूपमा भीम आचार्यले सपथ ग्रहण गरेका छन् । अहिले केहीबेर अघि नेता आचार्यले मुख्यमन्त्रीको सपथ लिएका हुन् ।
यसअघि बसेको एमाले संसदीय दलको बैठकले नेता आचार्यलाई संसदीय दलको नेता चयन गरेको थियो । राजनीतिक भागबन्डा मिलाउन मुख्यमन्त्री शेरधन राईले राजीनामा दिएपछि आचार्यको बाटो खुलेको हो ।
एमाले विभाजन भएर नेकपा समाजवादी भएपछि मुख्यमन्त्रीको सपथ लिएका नेता आचार्यको पदीय स्थायित्व भने बलियो बनिसकेको छैन् । संसदमा उनले विश्वासको मत पाउँछन् कि पाउँदैनन् भन्नेमा अझै धेरै आशंका बाँकी छन् ।
