झापा– मेची सहकारी संस्थाले सदस्यलाई किस्ताबन्दीमा घर उपलब्ध गराउने भएको छ । सहकारी नमुना वस्तीको अवधारणा अनुसार सदस्यलाई घर उपलब्ध गराउन लागिएको हो ।
एकमुष्ठ रकम जम्मा गरेर किन्न नसक्ने सदस्यलाई लक्षित गरेर सहकारीले किस्ताबन्दीमा घर उपलब्ध गराउने नीति लिएको संस्थाका प्रमुख कार्यकारी अधिकृत खोमप्रसाद बगालेले बताए ।
सहकारीले सदस्यका लागि दमक–४ मा रहेको संस्थाको एक विघा १६ कठ्ठा जग्गामा ५२ वटा घर बनाइरहेको छ । सुरुमा आफूले रोजेको घरको १५ प्रतिशत रकम बुझाएपछि सहकारीले २० वर्षे किस्तामा उपलब्ध गराउँछ ।
