काँकडभिट्टा-चालु आर्थिक वर्षको पाँच महिनामा काँकडभिट्टा भन्सार नाकाबाट ११ अर्ब ४७ करोड चौरासी लाख रूपैयाँको वस्तु निर्यात भएको छ ।
नेपालमा उत्पादित कृषिजन्य वस्तु मेची भन्सार कार्यालय हुँदै भारतसहित तेस्रो मुलुकमा निर्यात भएको हो । पूर्वी पहाडका जिल्लामा उत्पादित अलैँची अम्लिसो लगायतका उत्पादन निर्यात भएका छन् ।
इलाम र झापामा उत्पादन भएको चिया पनि भारत लगायतका मुलुकमा निकासी भएको छ । मेची भन्सार नाकाबाट पाँच महिनामा १८ अर्ब ४३ करोड ८५ लाख रुपैयाँको मालवस्तु आयात भएको छ ।
