- पत्रकार गौतम प्रेस युनियनको केन्द्रीय सदस्य मनोनित
- प्रहरीको गोलीबाट युवकको मृत्युपछि सुनसरी तनावग्रस्त : अनिश्चितकालीन कर्फ्यु
- बुट्टावारी गोल्डकपमा ३ लाख ३६ लाख बचत
- मेची क्राउनमा स्वामित्व फेरबदल : क्षमादेवी ग्रुप बाहिरियो, सापकोटा बने बहुमत शेयरधनी
- सत्ता सहकार्यको सहमति : तीन प्रदेश एमाले र दुई प्रदेशमा माओवादी नेतृत्वमा सरकार
बिर्तामोड– झापाले पहिलो महिला मेयरका रुपमा पवित्रा महतरा प्रसाईलाई पाएको छ । बिर्तामोड नगरपालिकामा उनले बिजय प्राप्त गरेकी हुन् ।
यसअघि उपप्रमुखका रुपमा विवादरहित पाँचवर्षे कार्यकाल बिताएकी प्रसाईले झापामा पहिलो महिला मेयर बन्ने अवसर पाएकी छन् ।
नेकपा एमालेकी जिल्ला कमिटी सदस्य प्रसाईले नेपाली कांग्रेसका उमेद्वार भोजराज सिटौलालाई फराकिलो मत अन्तरले पराजित गर्दै स्थानीय तहको कार्यकारी जिम्मेवारी सम्हाल्न लागेकी हुन् ।
उनले सिटौलालाई ३,७५८ मतान्तरले हराएकी छन् । प्रसाईले १६,५२० मत प्राप्त गरिरहँदा सिटौलाले १२,७७२ मतमा चित्त बुझाउनु परेको छ ।
ताप्लेजुङको विकट थेचम्वु गाउँमा २०२८ साल चैत १ गते बाबु हरिलाल र आमा नरमाया महतराकी माइली छोरीको रुपमा जन्मिएकी पवित्रा सानै उमेरदेखि राजनीतिमा सक्रिय भएकी थिइन् ।
माओवादी द्वन्द्वकालमा एमालेका कतिपय जनवर्गीय सङ्गठन लाचार छायाँजस्ता भएका बेला अनेमसङ्घको अनारमनी गाउँ कमिटी संयोजकको जिम्मेवारी लिएर महिला दिदीबहिनीलाई सङ्गठित गर्दै हिँडेकी पवित्राले राजनीतिक यात्रामा एकपछि अर्काे फड्को मार्दै गएकी हुन् ।
‘आँटेपछि जिम्मेवारी पूरा गरेर मात्रै छोड्नु पर्छ भन्ने मेरो स्थापित मान्यता हो’, उनले भनिन्, ‘त्यही मान्यताले मलाई सधैँ सफलताको बाटोमा हिँड्न सिकाएको छ ।’ उनले मतदाताले गरेको विश्वासलाई सधैँ जोगाइ राख्ने बताएकी छन् ।
