ताप्लेजुङ-ताप्लेजुङको सिरीजङ्गा गाउँपालिकाले खेतीयोग्य जमिन बाँझो राखेको पाइए किसानमाथि कारबाही गर्ने निर्णय गरेको छ ।
किसानहरूले खेतीयोग्य जमिन बाँझो राखेको पाइए सरकारले तोकेअनुसार मालपोत कर बमोजिम शतप्रतिशत जरिवाना लिने निर्णय गरिएको हो ।
आत्मनिर्भर हुने नीतिबमोजिम गाउँपालिकाले आर्थिक विधेयक पारित गर्दै खेतीयोग्य जमिन बाँझो राख्ने किसानमाथि दण्ड सजायको व्यवस्था गरेको छ ।
जथाभावी पशु चौपाया छोड्ने, नदीजन्य सामग्री उत्खनन गर्ने, छिमेकीलाई अप्ठ्यारो पार्ने नियतले रुख वा पर्खाल लगाउने र घर टहरा बनाउनेहरू समेत कारबाहीको दायरामा पर्ने भएका छन् ।
