रौतहट-नेकपा एकीकृत समाजवादी पार्टीका अध्यक्ष माधवकुमार नेपालले निजगढमा अन्तर्राष्ट्रिय विमानस्थल अनिवार्य आवश्यकता भएको बताउनुभएको छ ।
रौतहटको गौरमा शनिबार नेपाल भारत मैत्री संवाद कार्यक्रममा बोल्दै अध्यक्ष नेपालले निजगढमा अन्तर्राष्ट्रिय विमानस्थल तत्काल बनाउनुपर्नेमा जोड दिनुभएको हो ।
पूर्व प्रधानमन्त्री समेत रहनुभएका अध्यक्ष नेपालले फास्ट ट्र्याकको निर्माणसँगै निजगढमा अन्तर्राष्ट्रिय विमानस्थल चाहिने बताउनुभयो ।
अध्यक्ष नेपालले नेपाल भारत सीमा समस्या समाधानका लागि स्तरीय पहल गर्नुपर्ने मा पनि जोड दिनुभयो ।
