बिर्तामोड– नेपाली कांग्रेस झापाले भूमिहीन तथा अव्यवस्थित बसोबासीलाई धनीपूर्जा उपलब्ध गराउँदा लिइने राजस्वको दर घटाउन माग गरेको छ । बिहीवार बसेको कांग्रेस कार्य समितिको बैठकले यस्तो निर्णय गरेको हो ।
सभापति देउकुमार थेवेको सभापतित्वमा सम्पन्न कार्यसमितिका पदाधिकारी, सदस्य, क्षेत्रीय सभापतिसहितको बैठकले राजस्व घटाउन माग गर्ने निर्णय गरेको सचिव कृष्ण हुमागाईले बताए ।
एक परिवारलाई एक विघासम्म जग्गाको लालपूर्जा उपलब्ध गराउँदा निःशुल्क र त्यसभन्दा माथि भए सरकारी मूल्यको ५ प्रतिशत राजस्व लिन सरकारसँग माग गर्ने निर्णय गरेको सचिव हुमागाईले जानकारी दिए ।
