- प्रहरीसँगको भिडन्तमा २९ जना माओवादीको मृत्यु
- डाक्टर सन्दुक रुइतलाई पाँच लाख रूपैयाँ राशिको पुरस्कार
- पत्रकार ढकाल पुरस्कृत
- कालिका सामुदायिक वन परिसरमा हात्ती मृत फेला
- विद्युतीय तारबार व्यवस्थापनको कामबाट बाहिरियो राष्ट्रिय प्रकृति संरक्षण कोष
बिर्तामोड- हात्तीपाइले रोगविरुद्धको ११ औं अभियानमा झापा असफल भएको छ । झापाका दुई पालिकामा सञ्चालन गरिएको प्रि–सेम्पल सर्भे नमूना परीक्षणको नतिजाले यस्तो देखाएको हो ।
नमूना परीक्षणमा पाँच जनाभन्दा कम आउनुपर्नेमा दुवै पालिकामा सोभन्दा बढी आएको छ । झापाको कचनकवल गाउँपालिका–४ स्थित लोदाबारी र झापा गाउँपालिकाको कुमरखोदमा तीन÷तीन सय जनामा गरिएको नमूना परीक्षण गरिएको थियो ।
उक्त परीक्षणमा कचनकवलमा २१ जना र झापा गाउँपालिकामा १३ जनाको रगतमा हात्तीपाइले रोगको जीवाणु फेला परेको स्वास्थ्य कार्यालय झापाका जनस्वास्थ्य निरीक्षक विश्वनाथ श्रेष्ठले जानकारी दिए ।
“एक–दुई पटक र औषधि नै सेवन नगरेका मानिसको रगतमा हात्तीपाइले रोगको जीवाणु फेला परेको छ”, उनले भने, “छ वर्षसम्म लगातार औषधि सेवन गरेकाहरुमा जीवाणु फेला परेको छैन ।”
नमूना परीक्षणको नतिजा अनुसार झापामा हात्तीपाइले रोग निवारणको ११ औं पटकको अभियान असफल भएको उनले बताए । झापामा अब १२औं अभियान शुरु हुनुका साथै दुई वटा औषधि सेवन गरिँदै आएकोमा एक वटा औषधि थपिएर तीन वटा हुनेछ ।
पुनः दुई वर्ष नियमत औषधि सेवन गरेपछि नमूना परीक्षण गरिने जनस्वास्थ्य निरीक्षक श्रेष्ठले बताए । झापामा छ वर्षमा हात्तीपाइले रोग निवारण गर्ने लक्ष्य राखिए पनि ११ वर्ष बितिसक्दा पनि सफलता मिलेको छैन ।
अघिल्लो पटक सन् २०२० झापाको दमक र झापा गाउँपालिकामा नमूना परीक्षण गर्दा मापदण्ड भन्दा बढीमा हात्तीपाइले रोगको जीवाणु भेटिएपछि अभियान असफल भएको थियो ।
गत वर्ष झापामा ८६ प्रतिशत मानिसले हात्तीपाइले रोगविरुद्धको औषधि सेवन गरेका थिए ।
