प्रतिदिन दैनिक १५ औँ वर्षमा

एमाले छोडेका अशोक राईलाई संसद छिर्न चाहियो एमालेकै सहारा

बिर्तामोड- नेकपा एमाले छोडेर जातीय पहिचानको मुद्दा उठाउँदै बैकल्पिक राजनीतिमा सक्रिय भएका अशोक राई अन्ततः एमाले नेता कार्यकर्ताले दिएको मतको बलमा संसद छिर्ने भएका छन् ।

नेकपा एमाले सँगको साइनो सम्बन्ध त्यागेर जनता समाजवादी पार्टीमा संगठित भएका राईले तेस्रोपटक संसद् छिर्नका लागि एमाले नेता कार्यकर्ताकै वैशाखी टेक्नु परेको हो ।

राजनीतिक संघर्षको लामो समय एमाले पार्टीको निर्माण, विस्तार र सांगठनिक सुदृढीकरणमा खर्चिएका राई उपाध्यक्षको पदीय जिम्मेवारी छोडेर पहिचानको मुद्दा उठाउँदै संघीय समाजवादी पार्टीतिर लागेका थिए ।

एक दशकअघि एमाले नेतृत्वले लिएको विचारसँग असन्तुष्टि र आक्रोश पोख्दै पार्टी छोडेका राईले अन्तत एमाले नेता कार्यकर्ताको साथ पाएका छन् ।

चुनावी तालमेल क्रममा सुनसरी १ बाट १७ हजार ५९ मत ल्याएर नेतालाई प्रतिनिधि सभा सदस्यमा विजयी भएका हुन् ।

२०४८ र २०५१ मा खोटाङबाट प्रतिनिधिसभामा निर्वाचित भएका राई २०७० को दोस्रो संविधानसभा निर्वाचनमा संघीय समाजवादी पार्टीबाट समानुपातिक सदस्य चुनिएका थिए ।

एमालेभित्र विद्रोह गरेर अर्कातिर लागेपछि उनको राजनीतिक भूमिका कमजोर मात्रै भएको थिएन, उनी छायाँमा जस्तै थिए ।

नेकपा एमाले र जनता समाजवादी पार्टी बीचको तालमेलले अन्ततः उनलाई संसदीय राजनीतिको अभ्यासमा एकपटक सक्रिय हुने अवसर दिएको छ ‌।

You may also like...

Leave a Reply

Your email address will not be published. Required fields are marked *